Transcription
1
Monsieur, je receux hyer bien tard votre letre du XV. Je feys
2
du mesme soyr rendre voz letres à toutz ceulx à qui elle estoient
3adressées. Ce matin, jay depeché celles des montagnes [barré : avec ] et
4
ce matin jay escript à messieurs levesque de Gap, Laborel,
5
Ramé, capitaine Ferrus et vibaly de Brianson, sans y oublier
6
le capitaine La Cazete pour acompagner vos dites letres. Vous verrés
7
ce que ledit vibaly et capitaine Ferrus escrivent à messieurs de
8
la cour du XVI et XVII. En somme, je voy que lennemy se
9
prepare de toutz costés à la guerre et la font. Je croy
10
que sans prejudice de la paix, il se fault defendre et voy
11
messieurs de La Tivolière et du Monestier en bone volonté
12
et intelligence, silz sont favorisés de voz commandements,
13
de lever le siège de La Mure et peult estre fère mieulx.
14
Ilz vous escrivent là-dessus leur intention. Mesdits sieurs
15
de la cour mont chargé vous prier de leur part comme
16
je fays de la miene, si trovés lentreprise raysonable,
17
les auctoriser, comme de notre part nous leur ayderons du
18
tout ce qui sera de notre povoyr. Ilz ont advisé denvoyer
19
là part où serés exprès le sieur du Van à ses fins.
20
Cela est cause que pour ne le retarder, nayant secre[taire], jay
21
depeché la presente à mon seul nom. Jay comminiqué à to[us] lesdits
22
sieurs la copie de la letre du roy et monsieur le president Truchon.
23
Quant à monsieur Narcys, je lay adverti de se tenir sur
24
sa garde. Il ne fauldra à sa promesse et vous remerciera
25
comme il doyt à la première commodité. Je ne laisse pour chose
26
contenue en votredite letre de desirer scavoyr si vous troverés
27
à la tenue de lestat. Je supplie le Createur nous en fère la grace
28
et vous doner
29
monsieur, en santé heureuse et longue vie. De Grenoble, ce XIX de fevrier
30
1574
31
Vostre très humble et obeissant serviteur
32
G deportes.